გარემო პირობები მაგალითად ფინანსური სიდუხჭირე, არის კარმიული მოცემულობა ბევრი ადამიანის ცხოვრებაში.
ამ პირობაზე რეაქცია უმეტესობას აქვს უარყოფითი, ნებისმიერი გზით გადალახვაზე ორიენტირებული.
მცდელობა გადალახო ეს წინაღობა ყველა შესაძლო საშულებით არაფრის მომცემია და დამღუპველია სულისათვის, რადგან ეს „შეზღუდვა“ არსებობს მხოლოდ იმიტომ, რომ ადამიანი მის წინაშე გაიზარდოს სულიერად.
სულიერად ზრდა ითვალისწინებს წინაღობის წინაშე დაფიქრებას, საკუთარი სისრულის დახვეწას, სიყვარულის ნაკლებობის აღმოჩენას და მის შევსებას სიყვარულის პრაქტიკით. (ეს პრაქტიკა გადმოვეცი წიგნში „შეხვედრები წმინდანებთან – სიყვარულის პრაქტიკა). შედეგად ფინანსები გამოჩნდება თქვენს ცხოვრებაში, გაიზრდება და უწყვეტი გახდება.
ამ სახით ამ გარე პირობის მოგვარება არის მასზე სწორი რეაქცია, სულიერი ზრდა და კარმის ამ გამოვლინების სწორი დაწვა.
ამავე გზით უნდა მოგვარებულ იქნას ყველა ცხოვრებისეული გამოწვევა, სიდუხჭირე, სიტუაცია, ვალები, უმუშევრობა, წელებზე ფეხის დადგმა და ოფლში ცურვა, ბედის განგება, ურთიერთობები, ჯანმრთელობა და სხვა..
ნებისმიერი სხვა გზით, ამ გარე პირობათა დაძლევა ვნებს სულს და ხორცს.
მაშ რატომ არ სარგებლობენ ამ პრივილეგიით ადამიანები? – იმიტომ რომ არ სჯერათ ასეთი ხერხით მოგვარებული პრობლემის. რომც დაიჯერონ და დაიწყონ პრაქტიკა, დიდხანს ვერ გააკეთებენ და მიატოვებენ, რადგან ნებისყოფა არ ეყოფათ. ნებისყოფა რომ ეყოთ საჭიროა ცხოვრების სწორი წესი, რომელსაც არ იცავს თითქმის არავინ.
როდესაც რაიმე გარე პირობას, მოცემულობას, გამოწვევას, სიტუაციას აგვარებ სიყვარულის გვერდის ავლით, მაშინ უნდა იცოდე რომ ყიდი საკუთარ სულს!
ასე უსულოდ დაეხეტებიან ადამიანები ქუჩაში, სამსახურში, მეტროში, მუშაობენ მინდორში, ოფისებში, სახლებში, ჭორაობენ, ძალადობენ, ეშმაკობენ, მარიფათობენ, ასწრებენ, ფაცი ფუცობენ, აწუხებენ ერთმანეთს..
შედეგად იქმნება ქაოსი, ბოროტება, დასწრება, აგრესია, შეხლა შემოხლა..
გამოსავალი არის და ყოველთვის იყო – სიყვარული!
გააკეთეთ სიყვარულის პრაქტიკა და სასურველი თავად მოვა თქვენთან, ყოველგვარი მარიფათის გარეშე. ეს იქნება სწორი გაცემა და სწორი მიღება.
დისკუსია ამის შესახებ post