კითხვა პსუხი

ე.ი. ადამიანი შერეული არსებაა, არაერთგვაროვანი, რომელსაც ჯერ მხოლოდ თავისნაირი არაერთგვაროვანის შექმნა შეუძლია და შემოქმედება, სასწაულები ჯერ არ ძალუძს. რას ნიშნავს ადამიანისთვის გახდეს ერთგვაროვანი? წყალი წყალად იქცეს, ცეცხლი ცეცხლად, მიწა მიწად და ჰაერი ჰაერად? ჩემში ხომ ოთხივე ერთადაა. მაშინ რომელი უნდა გავხდე? ეს ოთხი ელემენტი ერთი და იგივეს ოთი ელფერია? გახდეს ცეცხლი ანუ შემოიცალოს შავი მასა და აღდგეს ფენიქსივით თავის ბუნებაში. გახდეს წყალი ანუ იყოს გამჭვირვალე, კამკამა და მამის ბუნების, ნების გამტარი. გახდეს ჰაერი, როგორც დემატერიალიზებული და გასულებული. თითქოს სამივე ერთ რაღაცას ნიშნავს. აი მიწას კი ვერაფერი მოვუფიქრე.

მიწად გახდომა ხომ ისედაც არ აცდება ადამიანს გარდაცვალებისას.

პასუხი გიორგი(ოლმეკი): – ოგესალმებით. ეს ციტატა მთლიანად ალქიმიურია და მოითხოვს ალქიმიის სრულად ფლობას რათა ბოლომდე ჩავწვდეთ მას. ერთგვაროვანის სინონიმია – სუფთა! მხოლოდ სუფთა შეიძლება იყოს ერთგვაროვანი და მხოლოდ ერთგვაროვანი შეიძლება იყოს სუფთა. ერთგვაროვნებს მიგვანიშნებს, რომ რაღაც ღვთიურზეა საუბარი, ისევე როგორც სუფთა მიგვანიშნებს ანალოგიურზე. ეს მიდგომა და პრინციპი დაცულის რელიგიებშიც რადგან ყოველი მათგანი მიგვანიშნებს ასკეტიზმზე როგორც სუფთა ცხოვრების წესზე, ამავე დროს ასკეტიზმი ერთგვაროვან ცხოვრებაზე მიანიშნებს. რატომ ხდება ასე? იმიტომ რომ უსუფთაო ცხოვრება არღვევს პირველი ადამის ერთგვაროვან სუფთა მარადიულ ბუნებას, ურევს რა მას არაწმინდა სულებს, შემპყრობლებს. ამაზე დავწერე უკვე წიგნში “ფობის ბეჭედი”. აგრეთვე რელიგია მუდამ აპელირებს სულიწმინდაზე, წმინდა სუფთა ერთგვაროვან სულზე. ალქიმიაში სულიწმინდას ექვივალენტია სამყაროს სული, რომელიც საფუძვლად უდევს ყველა ელემენტს, ყველა ელემენტი სწორედ მისი გამოვლინებაა როდესაც ის კარგავს თავის ერთგვაროვნებას, სისუფთავეს და იმოსება. ამ ელემენტებამდე ის ქმნის სამ პრინციპს სულფურს, მერკურის და მარილს. ალქიმიკოსებს საქმე აქვთ ამ სამ სუფთა პრინციპთან და არა მათ მიერ შექმნილ ელემენტებთან. ადამიანის სხეული შედგება ოთხი ელემენტისაგან, ისევე როგორც ყველა საგანი და ორგანიზმი, მაგრამ ალქიმია მეცნიერებაა რომელიც ყველაზე ქაოსურად გადარეულ ამ ოთხ ელემეტს იღებს და მათგან ქმნის ერთგვაროვან, სუფთა, სამყაროს სულის უმწიკლოებამდე ამაღლებულ მატერიას – ქვას. ჩვენ საწყის მატერიად ვიღებთ ყველაზე საზიზღარ, ბინძურ, შავ, ბნელ, დაცემულ არაერთგვაროვან მასას – ქაოსს, ვასუფთავებთ მას, ვწმინდავთ მინარევებისაგან, არაერთგვაროვანისაგან, ჭუჭყისაგან, სიბნელისაგან და ვტოვებთ მხოლოდ სინათლეს. მიწის უფრო ერთგვაროვანი ვარიანტი არის წყლი, წყლის, ჰაერი, ჰაერის ცეცხლი, ხოლო ცეცხლის სინათლე! როდესაც ჩვენ ვიკვებებით ვთქვათ ხორბლეულით ან ნებისმიერი საკვებით, ხორბლის სხეული როგორც შედმოის ორგანიზმში, ისევე გამოდის უკან დამუშავებული, ეს არის მიწა, მიღებული წყალი აგრეთვე გამოიდევნება ორგანიზმიდან, მაშ რას ეძებს ჩვენი ორგანიზმი საკვებში, თუ რამდენსაც ვჭამთ იმდენივე გამოიყოფა უკან? ჩემი ახალი წიგნი “ალქიმიური ტრაქტატები უკეთ აგიხსნით ამ დეტალებს.. ჩვენ ვეძებთ სანყაროს სულს, უნივერსალურ სულს, წმინდა სულს. ალქიმია არის მეცნირება წმინდა სულის შესახებ. უბრალოდ ადამიანებმა არ იციან სული როგორ გადადის სხეულში, როგორ იქმნება სულისაგან სხეული, არ იცის, რომ სხეული სულია, რომელიც გარდაიქმნა მიწად, მაგრამ ეს მიწა ოდესღაც იყო წყალი, მანამდე ჰაერი, საწყისში კი ცეცხლი და სინათლე!