ანონიმური მონაწილე.
გამარჯობა, რამდენიმე ხნის წინ დამესიზმრა პატარა ეკლესია, სადაც მოძღვარი იყო და თითქოს ამ ეკლესიაში წმინდანი ესვენა, თითქოს უხრწნელი უნდა ყოფილიყო, მაგრამ მე ხრწნის სუნს ვგრძნობდი.. სულის შემხუთავი სუნი იყო, მძიმე. მეორედ როცა დამესიზმრა ეკლესია, ღვთისმშობლის ხატი დამესიზმრა და თითქოს მელაპარაკებოდა მაგრამ სიზმარშივე ვამბობდი რომ ესე მკაცრად ღვთისმშობელი არ დამელაპარაკებოდა, არ მახსოვს რას მეუბნებოდა მაგრამ ძალიან მკაცრი იყო რაღაც ხისტი მითითება ჰქონდა, რაც არ მახსოვს. მანამდე კიდევ დამესიზმრა ეკლესია, მთის წვერზე და ტითქოს ჩემი საგვარეულოსთან იყო კავშირში და ვგრძნობდი რომ “ჩვენი ” ადგილი იყო, მის ქვემოთ კი მდელო იყო ყვითელი და ის ადამიანი იდგა ვინც პირველად “მაზიარა” აღმოსავლურ რელიგიებს, შივას შესახებ ვისგანაც გავიგე.. ყვითელი მდელო აღმკსავლეთთან იყო კავშირში და ლამაზი იყო , ის ადამიანიც იქ იდგა მაგრამ მთის წვერზე ეს ეკლესია უფრო ჩემი იყო თითქოს.
ეს სიზმრები რას უნდა ნიშნავდეს?
პასუხი გიორგი ხაჩიური(ოლმეკი): იყო წმინდანი და ესვენო ეკლესიაში ეს სხვადასხვა რამაა. იყო სუფთა, არ ნიშნავს მიგაჩნდეს თავი სუფთად. ისაუბრო რაიმეზე და მართლა გესმოდეს ეს რაიმე ორი უკიდურესად განსხვავებული მდგომარეობაა. გარშემო ბევრი საუბრობს სულიერებაზე, კარგ ადამიანობაზე, ლამაზი დალაგებული, ჭკვიანური სიტყვებით, გულწრფელად, მაგრამ მათი საქმენი განსხვავდება საუბრისაგან. ასეთია 99,9%. ვიზუალი თითქოს წესრიგშია, ეკლესიაც ადგილზეა, წმინდანიც, მაგრამ სურნელი მაინც დგას. ეს არ ეხება საეკლესიო წმინდანებს, ეს ეხებათ იმ უამრავ ადამიანს რომლებიც თავს “წმინდანად” ასაღებენ, თანამედროვე კომუნიკაციის საშუალებებს იყენებენ საკუთარი ცნობადობის გასაზრდელად, მაშინ როდესაც მათი ცხოვრების წესი და რეალური მიღწევა – უბადრუკია.
რაც შეეხება იმას, რომ ასე მკაცრად ღვთისმშობელი არ დაგელაპარაკებოდათ. აქ ძალიან ცდებით. ღვთისმშობელი იჩენს სიმკაცრეს მაშინ როდესაც ბევრ ცოდვასთან გვაქვს საქმე. მე არ ვიცი თქვენი ცხოვრება მაგრამ თქვენს ადგილზე ძალზედ ყურადღებით მიუდგებოდა მის მკაცრ ტონს. მე ვიცი შემთხვევა როდესაც ერთი ცოდვებით დახუნძლული ადამიანი მიეახლა ღვთისმშობელს ფაქიზ პლანზე. ღვთისმშობელმა მას უმკაცრესი პასუხი გასცა(აქ არ მოვიყვან) ბოლოს კი დასძინა, რომ ეს ბოლო იყო და მეტჯერ აღარ მისულიყო მასთან ეს ადამიანი, რადგან წინა შეხვედრისას მიცემული რჩევა არ გაითვალისწინა, ამიტომ მეტი შეხვედრა აღარ მოხდებოდა. ხისტი მითითება შემთხვევით არასდროს ხდება, ეს ბოლო შანსია გამოფხიზლდეს ადამიანი. გამოიყენეთ ეს შანსი, ნუ ჩათვლით რომ სინამდვილეში ღვთისმშობელი არ იყო, ან შეეშალა რამე, ან მსგავსი, რადგან ეს ამპარტავნების მანიშნებელი იქნება მხოლოდ, არამედ დაფიქრდით რატომ? ნუ ჩათვლით, რომ ასეთი პასუხის ღირსი არ ხართ, ეს ყველაზე არასწორი ჩათვლა იქნება, ყველა შესაძლოს შორის. საღად შეხედეთ ყველაფერს, სწორად გაარჩიეთ. ეს არ ნიშნავს რომ ცუდი ადამიანი ხართ ან სხვებზე ბევრად ცოდვილი, მაგრამ ნამდვილად ნიშნავს, რომ რაღაცას ისე არ აკეთებთ რაც ღმერთის მოსაწონია და ეს დიდი ხანია გრძელდება. ხისტი მითითება შეურაწყოფა არ არის არამედ შეჯანჯღარებაა, გაიღვიძეთ! მთის წვერზე ეკლესია, მოსწავლის მთაა რომელზეც ღვთის სასუფეველია, მაგრამ დაბლა მდელო სხვაა. შივას არ უნდა გამოეკიდოთ როდესაც ჯერ სამებაა შესაცნობი, დედა და მამაა საცნობი. სიხისტე და სიმკაცრე წმინდანების აუცილებელი ატრიბუტია და მას მაშინ მიმართავენ როდესაც ეს აუცილებელია.
დისკუსია ამის შესახებ post