კითხვა პასუხი

გამარჯობა🤍
სიზმართან დაკავშირებით მაინტერესებს თქვენი კომენტარი🤍
ვნახე ჩემი სოფლის სახლი ,რომლის ერთი კედელი გახსნილი იყო და მოჩანდა ულამაზესი მთები.ყველა ამ მთისკენ მიდიოდა .მეც დავინტერესდი და ამ მთისკენ გავეშურე. საოცრება დამხვდა. უამრავი ადამიანი იდგა კიბე_კიბე და ხელში ანთებული სანთლები ეჭირათ.იყო სრული მდუმარება ,თვალები კი ზეცისკენ ჰქონდათ აპყრობილი. მათ შორის გაყოფილი იყო სივრცე და ჩამოედინებოდა ნაკადული ამ ნაკადულში ულამაზესი ღვთისმშობლის ხატები ტივტივებდნენ.მათი შეხება არ შეიძლებოდა ,არავის არ ჰქონდა ამის უფლება .მე კი მაინც შევეხე და ასე გამომეღვიძა
რას უნდა ნიშნავდეს?

   ყველა უფლება დაცულია ©

   პასუხი გიორგი ხაჩიური(ოლმეკი):  სახლი ის ოთხი კედელია რომლითაც შემოფარგლულია ჩვენი ცნობიერება, ყოველდღიურობა, რუტინა, მსოფლმხედველობა, დადგენილი ნაცნობი სამყარო. გახსნილი კედელი არის ბზარი ჩვეულ ყოფაში, ნაპრალიდან კი მოჩანს მოსწავლის მთა, ულამაზესი, ცისკენ აზიდული სიმწვანე. ანთებული ადამიანები დგანან იერარქიულ საფეხურებზე და მდუმარედ შეჰყურებენ ზეცას, ღმერთს უმაღლეს იერარქს. ანთებული სანთელი განასახიერებს ღვთიურ წვაში მყოფ ადამიანს, რომელიც ასრულებს საკუთარ დანიშნულებას და ანთია ღმერთის სადიდებლად, ისევე როგორც ანთია სანთელი რადგან ეს მისი დანიშნულებაა. ნაკადული ზეციდან მომავალი სული წმინდაა რომელსაც უნდა ეზიაროს ადამიანი რათა ავიდეს ღმერთთან. ღვთის მშობლის ხატი გამოხატავს ღვთის მგრძნობელობას, ღმერთის შეგრძნების უნარს რაც ძალიან იშვიათია ჩვენს დროში. დედის და მამის შეგრძნება შვილს შეუძლია მხოლოდ. მემკვიდრეს. წყალი სუფთაა როგორც ცრემლი. ეს დედის მიერ დაღვრილი ცრემლია ყველა იმ შვილის მიმართ ვინც ვერ იპოვა გზა მთის წვერისაკენ. პირველი სიკვდილი მწარეა, მაგრამ კიდევ უფრო მწარეა მეორე სიკვდილი. ღვთისმშობელი ყველა დაკარგულ სულზე მოსთქვამს, ცრემლები სდის, მთიდან მოედინება ნაკადული, ცრემლივით კამკამა.

ყველა უფლება დაცულია ©.

წაიკითხეთ ჩემი წიგნები:  – წიგნების ვიზუალი და მოკლე მიმოხილვა იხილეთ აქ – https://olmek.ge/?page_id=527

შეძენის მსურველებმა მიმართეთ – მზეონა იბერიელს, ფეისბუქზე, პირადში, მესენჯერში

fb.com/mzeonaiberieli

ჯგუფი ალქიმია https://www.facebook.com/groups/alqimia

ჯგუფი  სულიერი იერარქია https://www.facebook.com/groups/sulieriierarqia

ჯგუფი სადაც შეგიძლიათ დასვათ კითხვები https://www.facebook.com/groups/kitxvebi