მოგესალმებით სიყვარულით, ერთი პატარა სიზმარი მინდა გაგიზიაროთ სიყვარულის პრაქტიკაზე

ვხედავდი რომ სხვადასხვა “ბოროტი” ურჩხულები მოიწევდნენ ჩემსკენ და დავუწყე ბრძოლა შიშველი ხელებით, მაგრამ მამარცხებდნენ, რადგან ფიზიკურად ჩემზე ბევრად ძლიერები იყვნენ. ამ დროს გაჩნდა ჩემი სულიერი მასწავლებელი და მეუბნება, რატომ დაგავიწყდა სიყვარულიო, ახლა მე გაჩვენებ სიყვარულის პრაქტიკის ძალას და ისწავლეო. და დაიწყო “სიყვარულის პრაქტიკა”. რამდენჯერმე გაიმეორა: მე ვარ სიყვარული, მიყვარხარ და შემდეგ ხელებს შორის მოაგროვა ეს სიყვარულის დაგროვილი ენერგია ენერგეტიკულ სფეროდ და გადმომცა. უცებ მეც გამეხსნა სიყვარულის გრძნობა და ჩემსკენ მომავალ ურჩხულს დავუდექი წინ და დავუწყე ძახილი მთელი გულით და ხმით, მიყვარხართქო. თან გრძნობა მქონდა რომ მართლა ისე უპირობოდ მიყვრდა, სულ რომ შევეჭამე, არ შევეწინააღმდეგებოდი და შევაჭმევჯნებდი თავს. მაგრამ ამან გააჩერა, მისი აგრესია ჩააცხრო და მოთვინიერებულმა მშვიდად დამიწყო ყურება გაკვირვებით. რამდენნაირად არ მებრძვიან ადამიანებიო, მაგრამ ასეთი რეაქცია ჯერ არ შემხვედრიაო და თავი დამანება.