კითხვა პასუხი

ანონიმური მონაწილე

კითხვა: – გამარჯობა,გიორგი, დავიწყებ იქიდან რომ ვაცნობიერებ ასტროლოგიის რეალურ როლს ადამიანის ცხოვრებაში, ვგულისხმობ, რომ რუკაში მოცემული ასპექტები “ახდება ისე როგორც სიზმარი” თუკი ადამიანი გაცნობიერებულად არ მუშაობს თავისი რეალობის შემოქმედებაზე, რომ ადამიანს ყოველთვის შეუძლია თავისი ბედისწერის შეცვლა სიყვარულით.. მაინტერესებს თუკი უახლოეს პერიოდში ისეთი კონფიგურაცია იქმნება რუკაში რომ ადამიანს თავისი კარმის ( რაც რუკაში კონკრეტული ასპექტით ჩანს) გამო რაღაც ნეგატიური ელის ამ შემთხვევაში სიყვარულის პრაქტიკა რა ინტენსივობით და რა პერიოდის განმავლობაში უნდა აკეთოს რომ ის ნეგატიური მოვლენა გაანეიტრალოს, რამდენი ხანია საშუალოდ ამისთვის საჭირო?

პასუხი გიორგი(ოლმეკი) – არა მგონია აცნობიერებდეთ ასტროლოგიის როლს. ცხოვრება ცვალებადია, სიზმარია, ზმანებაა. ეს იმას ნიშნავს, რომ ის იცვლება გამუდმებით. იცვლება იმიტომ კი არა რომ ასე დადგინდა საიდანმე არამედ მხოლოდ იმიტომ, რომ თქვენ ფიქრობთ, გრძნობთ და წარმოიდგენთ სხვადასხვხა რამეს დღის მანძილზე. თქვენი შინაგანი ამოძრავებს რეალობას, ადამიანებს, სამყაროს. ასტროლოგია თქვენი ამ სიზმრის შინა არსის ერთი ასპექტია. რაღაც რაც თქვენი მოვლენილია. თუ ჩახედავთ თქვენს მიერ გამოვლენილ ასტროლოგიურ რუქას, და დაინახავთ რომ იქ რაღაც კარგია, ან ცუდი, ან ტენდენციაა ასეთისაკენ, ეს აზრი გამოიწვევს შემდეგ ცვლილებას თქვენს ცხოვრებაში, დააკორექტირებს მას მხოლოდ იმიტომ, რომ თქვენმა წარსულში არსებულმა აზრმა შექმნა რუქა, რუქამ იმოქმედა თქვენს ახლანდელ აზრზე და დააკორექტირა ის რომელიმე მიმართულებით, სწორედ აქეთ წავა კორექცია, ბედი. თქვენ ხედავთ ამას? მაშ ბედი იყო ეს, კარმა თუ ავი თვალი? არც ერთი არც მეორე და არც მესამე არამედ იმის არ ცოდა – რომ თქვენ შექმენით რუქაც, იქ არსებული ასპექტებიც და ტენდენციებიც არსაიდან, მერე კი ის მიიღეთ ნამდვილად, დამაჯერებლად და განამტკიცეთ რწმენა.. ასე მიყვებით ლაბირინთს რომელსაც არც თავი აქვს და არც ბოლო თქვენს გარდა. თქვენ ხედავთ ამას? არამგონია. გაექეცით რუქასაც, ასტროლოგსაც და ნებისმიერ მსგავსს, რადგან თქვენს გარეშე არაფერი ხდება. ეს სიზმარია.. მე ვიცი რომ ბოლომდე ვერ გაიგებთ რას გეუბნებით, მაგრამ ის უნდა გაიგოთ რომ რუქას, ასტროლოგს და არც არაფერს არ გააჩნია თქვენგან დამოუკიდებელი ბუნება. სიყვარულის პრაქტიკამდე რუქა რაც არის, სიყვარულის პრაქტიკის შემდეგ ეს რუქა არ მუშაობს, იცვლება .. როგორ? იმიტომ რომ ამ რუქას არც არასოდეს უმუშავია, მას დამოუკიდებლად, თავისთავადად არც არასოდეს უარსებია. იტყვით კი მაგრამ როგორ? ვარსკვლავებიო? განა სიზმარში ვარსკვლავები არსებობენ თქვენს გარეშე? თავს ნუ იტყუებთ, ჭეშმარიტებას უნდა მისდიოთ, რუქა კი ილუზიაა მხოლოდ.. ყველა უფლება დაცულია ©

წაიკითხეთ ჩემი წიგნები:

წიგნების ვიზუალი და მოკლე მიმოხილვა იხილეთ აქ – https://olmek.ge/?page_id=527

შეძენის მსურველებმა მიმართეთ – მზეონა იბერიელს, ფეისბუქზე, პირადში, მესენჯერში

fb.com/mzeonaiberieli

ჯგუფი ალქიმია https://www.facebook.com/groups/alqimia

ჯგუფი  სულიერი იერარქია https://www.facebook.com/groups/sulieriierarqia

ჯგუფი სადაც შეგიძლიათ დასვათ კითხვები https://www.facebook.com/groups/kitxvebi