ბავშვი იბადება იმ ადამიანების წრეში, ვისთანაც კარმა აქვს წინა ცხოვრებებიდან. მართალია მან ეს ყველაფერი არ იცის, მაგრამ უწევს გადაწყვიტოს უყვარდეს თუ არა ადამიანები რომლებთანაც გააჩნდა არც თუ ისე მსუბუქი ურთიერთობა წინა ცხოვრებაში. მიუხედავად იმისა რომ ის ჯერ ბავშვია მას უწევს გადაწყვიტოს. რაც დრო გავა მით უფრო გამოჩნდება კარმიული ჯაჭვის სხვა რგოლები და მათთანაც იგივე გადაწყვეტილების მიღებაა საჭირო. რაც უმძიმეს მდგომარეობაში აყენებს ყველას ვინც ამ სამყაროში იბადება, რადგან უმეტესობა ირჩევს უყვარდეს და სძულდეს სამაგიეროდ. ეს პირველი სერიოზული გამოცდაა ახალი ცხოვრების გზაზე.
მეორე გამოცდას ადამიანს უწყობს სამსახური და პირადი სიყვარული, რომანტიული სიყვარული, როდესაც ის ხდება ზრდასრული. აქ არასწორი გადაწყვეტა იწვევს ბედის გაუკუღმართებას, უსერიოზულეს დარტყმას, კარმის რისხვას. ყველაფერი სრულდება ხშირად სიძულვილით, აუტანლობით, შინაგანი ბრძოლით, დაღლით, დეპრესიით და ა.შ.
მესამე გამოცდა უკვე კიდევ უფრო სერიოზულია და წარმოადგენს სიკვდილს. საქმე იმაშია რომ ადამიანი ან კვდება ჰარმონიული, გაწონასწორებული, მეტ ნაკლებ მშვიდი, ან ნაწყენი, გაბუტული, გამწარებული, დეპრესიულ „დაუფასებელი“ და ამ შემთხვევაში მან მესამედაც არასწორი გადაწყვეტილება მიიღო..
გამოვიდა რომ ადამიანმა სამჯერ გაუშვა ხელიდან ღვთის სასუფეველის გასაღები, კარმის დაწვის საშუალება და ღვთიური ცხოვრების შანსი.
დაბადებისას ყველა ადამიანის ელემენტალზე წერია მისი შესაძლებლობების მინიმუმი და რა თქმა უნდა უსაზღვრო პოტენციალი. საქმე მხოლოდ არჩევანშია, სწორ არჩევანში. არჩევანი კი მეტად მარტივია ან სიყვარული ან სიძულვილი. სინამდვილეში ასარჩევიც არაფერია რადგან სიყვარულშია გზა სიცოცხლე და ჭეშმარიტება!
ცხოვრება სწორი არჩევანის კიდევ უამრავ შანსს გვაძლევს ამ სამის გარდა, მაგრამ სიჯიუტე, შეპყრობა, სიბნელე რაც მოაქვს არასწორ გადაწყვეტილებებს ამ შანსს ანულებს.
მე დაგიწერეთ წიგნი „შეხვედრები წმინდანებთან – სიყვარულის პრაქტიკა“ რომელიც სწორი არჩევანის დაწვრილებითი განმარტებაა, სახელმძღვანელოა ცათა სასუფევლისაკენ, კიდევ ერთი უძლიერესი შანსია, ბევრისათვის კი ერთადერთი.
მაგრამ სწორი არჩევანი ვერ გაკეთდება არასწორი ცხოვრების წესით შესაბამისად საჭირო გახდა წიგნი „ფლობის ბეჭედი“. ეს წიგნი შანსია ადამიანმა იცხოვროს და გარდაიცვალოს ჰარმონიულად, სუფთად, ღირსეულად.
ამ ეტაპზე მე დაგიწერეთ, გამოვეცი ექვსი წიგნი და რამოდენიმეს კიდევ დავწერ. ეს წიგნები საკმარისია რათა არამარტო სწორად იცხოვროთ, სწორი არჩევანი გააკეთოთ და კარმა დაწვათ, არამედ რათა ამაღლდეთ, თუ ამის სურვილი გექნებათ, ეს იმას ნიშნავს, რომ არ მოკვდებით არც პირველი არც მეორე სიკვდილით.
დისკუსია ამის შესახებ post