კითხვა პასუხი
კითხვა: – სიყვარულით და მადლიერებით მოგესალმებით
სიზმარი
გავიფიქრე, მეტი საქმე არ მაქვს, ასე ხომ არ ვიბოდიალებ სულთქო, გიორგისთან წავალ მეთქი, მისამართი რომ არ ვიცითქო თან ვფიქრობდი. ავტობუსი მოვიდა და ავედი, არ მიკითხავს სად მიდიოდა, ჩემ გაჩერებაზე სკოლასთან ჩამოვედი, ნეტა სად ცხოვრობს გიორგითქო ვფიქრობდი და თან უბრალოდ მივდიოდი, შორაპნის ქუჩაზე გადავუხვიე და ერთ კარში დავაპირე შესვლა, რომელიც ცოტა მაღალზე იყო და რაღაცნაირად მარტივად ავბობღდი. ძალიან პატარა თეთრი კარი იყო, დაახლოებით 40 სმ სიგრძე-სიგანეში. კარიდან მომღიმარი გოგონა გამოვიდა და შესვლამდე ბევრი მესაუბრა, არ მახსოვს შინაარსი. აქ როგორ უნდა შევიდეთქო ვფიქრობდი, სიყვარული თუ მეყოფა შევალთქო გავიფიქრე, ეს გოგონა წავიდა, კარში ძალიან ადვილად შევედი, თითქოს ამ კარისხელა გავხდი. ძალიან მიხაროდა რომ ბოლოს და ბოლოს ცნობიერად მოვედი აქ. ერთერთ ოთახში შევედი და გამეღვიძა, მარიამ სოჰამი იყო იქ
პასუხი გიორგი(ოლმეკი): – მოგესალმებით, აშრამი გახსნილია ბუდჰის პლანზე, ეს ძალიან მაღალი სულიერი პლანია, იქ მოხვედრა არც ისე ადვილია. აშრამსა და მაძიებელს შორის უნდა არსებობდეს მაგნიტური მიზიდულობა, სხვაგვარად იქ ვერაინ მოხვდება. ამ მიზიდულობას ქმნის თავად აშრამი და მეორე მხრივ თავად მაძიებელი საკუთარ აურაში. აშრამში გაცნობიერება აუცილებელი არ არის, იქ მთავარია მოხვედრა ღამით და სწავლა, ამ ნასწავლის დამახსოვრება, გაკვეთილის მიმდინარეობის დამახსოვრება რათა დღისით სიფხიზლეში მოხდეს საშინაო დავალების მომზადება და ისევ აშრამში ატანა, ღამით, მომდევნო ჯერზე. ამ თემით დაინტერესებულებმა იხილეთ ჩემი წიგნი “აშრამის გაკვეთილები”. აშრამში ლექციები იკითხება მათთვის ვინც საკუთარი ცხოვრების სულიერი დაძაბულობით იქმნის შესაბამის აურას, აურის მაგნეტიზმს. რაც შეეხება მარიამს, ის წვეულია, მაგრამ ამჯერად სხვა განხრით მიდის, ხანდახან შემოგვივლის ხოლმე
დისკუსია ამის შესახებ post